सक्छु, गर्छु, हुन्छ

नयाँ विकल्प
प्रकाशित मिती: २०७४ फाल्गुन २८, ०८: ४२

कविः माधव साधक परियार

दुई हजार चौहत्तर साल फागुन सोह्र आज ।
मेरो मनको भाव राख्नथालेँ हजुरहरु माझ ।।
विश्वको नै शुभचिन्तक माधव मानव नाउँँ ।
विगेन नेपाल परिवारलाई सधैं भेट्न पाउँ ।।

श्रद्धा प्रेमले खुसी भई खेलौं आज होली ।
सधैंभरी मुस्कुराउँ बोलौं नम्र बोली ।।
प्रेम भावले खेल्यो भने पर्व राम्रो होली ।
राम्रो काम गर्नलई नभनौं है भोली ।।

नेपाली भई नेपालीलाई सोचौं यौटै घरको ।
विरानो पराई यहाँ कोही छैन अर्को ।।
रगतको नाताभन्दा भावनाको नाता ।
गहिरो हुन्छ स्वयम् ठानीदिन्छ उसले साथ ।।

विगेन नेपाल मलाई साह्रै लागेको छ राम्रो ।
ठानेको छु हृदयबाट परिवार नै हो हाम्रो ।।
विगेन नेपाल परिवारलाई भुल्नेछैन कहिले ।
त्यसैलेत भेट्न आएँ हजुरहरुलाई अहिले ।।

मानिस हौं हामीभित्र बस्छ सधैं हरी ।
हाम्रो नाता छुट्नेछैन जनम जनम भरी ।।
माधव पनि एकदिन पक्कै विश्व प्रसिद्ध हुन्छ ।
निरन्तरको यात्राले नै चन्द्रमालाई छुन्छ ।।

सक्छु गर्छु हुन्छ भन्ने संकल्प नै लिएर ।
हिड्नुपर्छ हजुर हामी आज यतिखेर ।।
निरन्तरता दिएपछि जस्तै काम नि हुन्छ ।
परहितकारी काम गर्नलाई जस्ले पनि हुन्छ ।।

परहितकारी काम गर्ने मानिस त्यही नै हो हरी ।
उसको चर्चा फैलिन्छ सारा संसारभरि ।।
सीधा कुरा प्रष्ट विचार राख्ने मानिस हुँ म ।
सबैसँग प्रेम गर्छ साहसिक छु म ।।

विगेन नेपाल मेरो प्राण हो भाषा राम्रो हुन्छ ।
मेरो लेख कविताले सबैको मन छुन्छ ।।
सुख शान्ति समृद्धि सबैलाई चाहिन्छ ।
यो ध्यान साधना गर्नुस् आफैंभित्र पाइन्छ ।।

आनन्द र खुसी खोज्दै धेरै ठाउँमा डुलेँ ।
जीवन विज्ञान पाएपछि त्यही ठाउँमा भुलेँ ।।
विश्वको नै मेरुदण्ड मै त हो नि मान्छे ।
जहाँसुकै गए पनि आफैं लिडर भान्से ।।

यौटै हामी जहान परिवार हो भएका छौं भेला ।
प्रेमश्रद्धाको माला गाँसौं भेट भएको बेला ।।
सन्तोषी डंगोल सुविर साही राज चौंलागाई ।
हजुरहरुलाई भेट्नलाई यहाँसम्म आएँ ।।

स्वस्तीका पौडेल कल्पना गौतम् रुथ सुब्बा नानी ।
गंगा जमुना सरस्वती हो मलाई लाग्यो ज्ञानी ।।
मनिषा तिवारी महाशक्ति श्रद्धा प्रेमको भण्डार ।
विगेन नेपाल परिवारले बदल्नु छ संसार ।।

आजदेखि हजुर हामी यौटै परिवार ।
एकअर्काको परिपूरक हो भरपर्दो आधार ।।
होली खेल्न आएको थिएँ मत गौरीघाट ।
अहिले चाहिँ बिदा लिएँ हजुरहरुबाट ।।

सम्बन्धित समाचार

नेपाल तथा भारतका २८ जना प्राज्ञलाई नइ प्रज्ञा पुरस्कार

२०७४ फाल्गुन २८, ०८: ४२

काठमाडौँ। नइ एकेडेमीद्वारा आयोजित ‘नेपाल भारत विश्वविद्यालय प्राध्यापक सम्मेलन’मा सहभागी प्राज्ञहरुबाट आआफ्ना मन्तव्यपछि त्रिदिवसीय ऐतिहासिक सम्मेलनको समापन भएको छ ।समारोहमा...