- अनामनगर काठमाडौँ
- infobikalpa21@gmail.com
डोटी । अविरल वर्षाका कारण बाढी र पहिरोमा परि ज्यान गुमाउने व्यक्तिका परिवारलाई राहत रकम वितरण शुरु गरेको छ । डोटी जिल्ला प्रशासन कार्यालयले असोज ३१ देखिको वर्षाका कारण उत्पन्न प्राकृतिक प्रकोपबाट क्षेति व्यहोरेको परिवारलाई राहत रकम वितरण गरेको हो ।
प्रमुख जिल्ला अधिकारी शंकरबहादुर विष्टका अनुसार सरकारले बाढी पहिरोका कारण ज्यान गुमाउने व्यक्तिका परिवारलाई दुई लाख रुपैयाँ दिने निर्णय गरे अनुसार प्रशासन कार्यालयले रकम वितरण गर्न सुरु गरेको बताए । उनले भने, ‘सायल गाउँपालिकामा बाढी पहिरोका कारण ज्यान गुमाउनेको ६ जना रहेको थियो । प्रशासनको टोली गाउँमै गएर पिडित परिवारका सदस्यलाई राहत रकम वितरण गरेको हो ।’
डोटीको सायल गाउँपालिका वडा नं. ६ का सारग र आशिष कुन्जेडा एकै परिवारका हुन् । त्यस्तै वडा नं. १का बिरे रोकाया, वडा नं.४ का जंगबहादुर विष्ट, वडा नं. ५ का हिरुवा लुहार र देव डुम्रेल गरी ६ जनाको बाढी पहिरोका कारण ज्यान गएको थियो । मन्त्रिपरिषदको निर्णय अनुसार सागर र आशिष कुन्जडाको परिवारले ३ लाख रुपैयाँ पाएका छन् ।
बाढी पहिरोजन्य प्राकृतिक विपदबाट डोटी जिल्लामा १५ जनाको मृत्यु भएको थियो भने एक जना वेपत्ता रहेको बताइएको छ । प्रमुख विष्टका अनुसार अन्य बाँकी परिवारहरुलाई तत्कालै राहत रकम उपलव्ध गराइने छ । यता नेपाल रेडक्रस सोसाइटी डोटी शाखाले पनि पिडित परिवारलाई भाडाकुँडा, कम्बल, लुगाकपडासहितको राहत सामग्री वितरण गरेको छ ।
काठमाडौं : काठमाडौंका नदी किनार आसपास बनेका सबै सुकुम्वासी बस्तीका संरचनामा डोजर चल्ने भएको छ । जिल्ला प्रशासन कार्यालय काठमाडौंले...
हेटौंडा : मदन भण्डारी स्वास्थ्य विज्ञान प्रतिष्ठानको दशौं सभा बैठक बुधबार हेटौंडामा सम्पन्न भएको छ । बैठक प्रतिष्ठानका कुलपति तथा...
काठमाडौं : इन्धनको मूल्य वृद्धि भएपछि यातायात व्यवस्था विभागले सार्वजनिक सवारीसाधनको भाडा पुनः बढाएको छ । विभागका अनुसार अन्तरप्रदेश सञ्चालन हुने सवारीसाधनका...
