- अनामनगर काठमाडौँ
- infobikalpa21@gmail.com
काठमाडौं । सत्तारुढ गठबन्धनको बैठक आज बेलुका ५ बजे बोलाइएको छ । आजको (सोमबार, कात्तिक २२)बैठकमा न्यायापालिकामा उत्पन्न संकट र सरकार सञ्चालनलाई प्रभावकारी बनाउने विषयमा छलफल हुने स्रोतले बताएको हो ।
न्यायालयमा उत्पन्न विवाद र सो विवादबारे आधिकारिक धारणा तय गर्न बैठकले महत्वपूर्ण भूमिका खेल्ने बताइएको छ । न्यायालय विवादबारे गठबन्धनमा आवद्ध नेकपा एकीकृत समाजवादीले गठबन्धनबीच छलफल गरेर धारणा बनाउने औपचारिक निर्णय गरिसकेको छ भने अन्य नेकपा माओवादी केन्द्र, जनता समाजवादी पार्टी नेपाल (जसपा) र राष्ट्रिय जनमोर्चाले के गर्ने भन्ने विषयमा औपचारिक निर्णय केही गरेको छैनन् । प्रधानमन्त्री देउवा भने यस विषयमा अहिले नै निर्णय नगरौं भन्ने पक्षमा रहेको बताइएको छ ।
सरकार सञ्चालन गर्न समन्वय समिति
दशैं तिहारपछिको आजको बैठकमा पाँच दलीय सतारुढ गठबन्धनका दलहरुबीच सरकार सञ्चालनमा सहयोग गर्न समन्वय समिति बनाउने विषयमा समेत छलफल हुने एक नेताले बताए । सत्तारुढ गठबन्धनमा आवद्ध दलका शीर्ष नेता सम्मिलित उच्चस्तरीय राजनीतिक संयन्त्र बनाउने तयारी यसअधि रहेको र यसको चौतर्फी विरोध भएपछि समन्वय समिति बनाउन लागिएको बताइएको छ ।
देउवा–प्रचण्ड भेट
बालुवाटारमा आज विहान प्रधानमन्त्री शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’बीच भेटवार्ता भएको थियो । देउवा र प्रचण्डबीच न्यायालयमा देखिएको विवाद, गठबन्धन सरकारका काम, कर्तव्य र राजदूत नियुक्तिलगायतका विषयमा छलफल भएको बताइएको छ ।
छलफलपछि गठबन्धनको बैठक बोलाइएको हो ।
काठमाडौं : काठमाडौंका नदी किनार आसपास बनेका सबै सुकुम्वासी बस्तीका संरचनामा डोजर चल्ने भएको छ । जिल्ला प्रशासन कार्यालय काठमाडौंले...
काठमाडौं : नेपाली कांग्रेस विशेष महाअधिवेशनको नेतृत्वलाई पूर्ण असफल बनाउन र निर्वाचनमा कांग्रेस उम्मेदवार जिताउन भूमिका नखेलेको आरोप लागेका, तरुण...
काठमाडौं : यो भन्दा अगाडिको संसद्मा तत्कालीन उपप्रधानमन्त्री प्रकाशमान सिंहदेखि पराराष्ट्रमन्त्री आर्जु राणालाई संसद्मै पशुपतिनाथलाई ढोक्दै अबको संसद्मा यी अनुहार...
