ठमेल, गौशाला र सुन्धाराका हाेटलमा बस्ने व्यवस्था

काँग्रेस महाधिवेशनः प्रतिनिधि बस्न तीन ठाँउका हाेटल बुकिङ

काठमाडौं । नेपाली काँग्रेसको महाधिवेशनमा सहभागी हुने प्रतिनिधिहरुका लागि होटल बुकिङ गरिएको छ । यहि मंसिर २४–२७ गतेसम्म काठमाडौंमा हुन १४औँ महाधिवेशनमा भाग लिन काठमाडौँ आएका महाधिवेशन प्रतिनिधि बस्नका लागि तीन ठाउँमा होटल बुकिङ गरिएको आवास तथा भोजन व्यवस्थापन समितिले जनाएको हाे ।

समिमिका अनुसार काठमाडौंको ठमेल, गौशाला र सुन्धारामा बस्ने व्यवस्था मिलाएको छ भने महाधिवेशनमा सहभागी हुने ८ हजार व्यक्तिका लागि अनुपम फुडल्याण्ड, बत्तीसपुतली र दियालो फुडल्याण्ड, बसुन्धराले संयुक्तरुपमा भोजनको व्यवस्था गर्ने बताएको छ ।

काँग्रेस महाधिवेशनमा देशभरबाट चार हजार बढी प्रतिनिधि सहभागी हुने र हालसम्म उनीहरुका लागि काठमाडौंका ८६ होटल बुकिङ गरिएको आवास तथा भोजन व्यवस्थापन समिति संयोजक एवम् पार्टी केन्द्रीय सदस्य सुरेन्द्र पाण्डेले जानकारी दिए । लगभग १०० होटल बुकिङ गरिने पाण्डेले बताए ।

मङ्सिर २४ गते बेलुकादेखि २७ गते बेलुकासम्म भोजनको व्यवस्था महाधिवेशन स्थल भृकुटीमण्डपमा गरिने संजोजक पाण्डे बताए ।