- अनामनगर काठमाडौँ
- infobikalpa21@gmail.com
कास्की । नेपाली काँग्रेस जिल्ला पार्टी कार्यालयमा तालाबन्दी गरिएको छ । पोखरा महानगर समितिले पोखरा महानगरपालिकाको मेयर पद एकीकृत समाजवादीलाई दिने निर्णय गरेको विरोेधमा जिल्ला कार्यालयमा तालाबन्दी गरेको हो ।
पोखरा महानगरका मतदाता र नेपाली काँग्रेसका क्रियाशिल कार्यकर्ताहरुको अपमान हुने गरी भन्दाभन्दै पनि महानगरको मेयर एकीकृत समाजवादीलाई दिने निर्णय नसच्याउँदासम्म ताला नखोल्ने नेपाली कांग्रेस पोखरा महानगरका सचिव गणेशबहादुर थापाले बताए ।
सचिव थापाले यो निर्णय नसच्याउँदा काँग्रेसले केन्द्रीय गठबन्धनको निर्णयविरूद्ध विद्रोह हुने संकेत गरे । उनले काँग्रेसले उक्त निर्णय नसचिए स्वतन्त्र उम्मेदवारी दिने समेत बताए ।
पोखरा महानगरपालिकामा नेकपा एमालेबाट फुटेको पार्टीले हैसियत भन्दा ठूलौ भाग खोजेको आरोप काँग्रेसका नेता तथा कार्यकर्ताहरुले लगाउँदै आएका थिए । सोमबार पोखरा महानगर एकीकृत समाजवादीको भागमा परेको खबर आएसँगै नेपाली कांग्रेस कास्की जिल्ला र नगर समितिले एकीकृत समाजवादीसँग सम्बन्ध टुटेकोले मित्रवत प्रतिस्पर्धा गर्ने जनाइसकेको थियो । यद्यपी, अव कसरी अगाडी बढ्ने भन्नेबारे आजै छलफल हुने बताइएको छ ।
महानगरमा समस्या देखिएसंगै रुष्ट बनेका प्रधानमन्त्री एवम् काँग्रेस सभापति शेरबहादुर देउवाले कास्की जिल्ला सभापति सहितको टोलीलाई काठमाडौं बोलाएका थिए । देउवाले कास्कीका नेताहरुलाई गठबन्धनका दलहरुले गर्दा नै आफु प्रधानमन्त्री भएको र नेपाली काँग्रेसको नेतृत्वमा सरकार गठन भएको जानकारी दिंदै गठबन्धनका समस्या बुझिदिन र विवाद ननिकाली गठबन्धनलाई जिताउन निर्देशन दिएका थिए ।
विवादका विच नै नेकपा एकीकृत समाजवादीको कास्की जिल्ला कमिटीले पोखरा महानगरपालिकाको मेयर उम्मेदवारका लागि दिलु पन्त, श्रीनाथ बराल र धनराज आचार्यको नाम सिफारिस गरिसकेको थियो । पोखरा महानगरपालिकामा एमालेले जितेका कारण एमालेबाट फुटेको एकीकृत समाजवादीले पाउनु पर्ने तर्क अगाडी सादै आएको हो ।
मंगलबार अबेर बसेको गठबन्धनको बैठकमा पोखरा महानगरपालिकाको मेयर एकीकृत समाजवादीलाई दिने सहमति जुटाएको थियो ।
काठमाडौं : नेपाली कांग्रेस विशेष महाअधिवेशनको नेतृत्वलाई पूर्ण असफल बनाउन र निर्वाचनमा कांग्रेस उम्मेदवार जिताउन भूमिका नखेलेको आरोप लागेका, तरुण...
काठमाडौं : यो भन्दा अगाडिको संसद्मा तत्कालीन उपप्रधानमन्त्री प्रकाशमान सिंहदेखि पराराष्ट्रमन्त्री आर्जु राणालाई संसद्मै पशुपतिनाथलाई ढोक्दै अबको संसद्मा यी अनुहार...
काठमाडौं : सरकारले संसद् छलेर अध्यादेश ल्याएको भन्दै प्रतिपक्षी दलहरूले असन्तुष्टि जनाएका छन् । नेपाली कांग्रेस, नेकपा एमालेलगायत चार दलले संयुक्त रूपमा...
