- अनामनगर काठमाडौँ
- infobikalpa21@gmail.com
चितवन । भरतपुर महानगरपालिकाको मेयर नेपाली काँग्रेस पाउँनुपर्ने माग राख्दै आएको चितवन काँग्रेस अन्ततः सहमतिमा आएको छ । गठबन्धनका दलहरुको बैठकले महानगर र उपमहानगरपालिकाको सिट बाँडफाँड गरेसंगै सहमतिमा आएको हो । यसअघि महागरको मेयर काँग्रेसले नपाए केन्द्रको निर्णय नमान्ने महानगर कार्यसमिति र वडा सभापतिहरुले निर्णय नै गरेका थिए ।
चितवनका पालिकाहरुमा गठबन्धनका दलहरुले भागबण्डाको विषय समेत टुङ्ग्याएका छन् । भरतपुर महानगरपालिकाको माओवादी केन्द्रले पाएसंगै यस बाहेकका ६ पालिकाको प्रमुख र उपप्रमुख पदको भागबण्डा स्थानीय गठबन्धनले गरेको छ ।
चितवन जिल्लामा एक गाउँपालिका र ५ नगरपालिका रहेका छन् । यसको सिट बाँडफाँड सत्तारुढ गठबन्धनका दलहरु नेपाली काँग्रेस, नेकपा माओवादी केन्द्र र नेकपा एकीकृत समाजवादी पार्टीबीच एक सहमति भएको हो । गठबन्धनको शीर्ष दल नेपाली काँग्रेसले ४ वटा पालिकाको प्रमुख, माओवादी केन्द्र र एकीकृत समाजवादीले एक÷एक वटा पालिका प्रमुख लिने सहमति भएको छ ।
काँग्रेसले चितवनको इच्छाकामना गाउँपालिका, रत्ननगर नगरपालिका, खैरहनी नगरपालिका र कालिका नगरपालिकाको प्रमुख पद लिने सहमति भएको भने माओवादी केन्द्रले माडी नगरपालिकाको प्रमुख पद लिने भएको छ ।
यस्तै एमालेबाट फुटेर भर्खरै गठन भएको नेकपा एकीकृत समाजवादीले राप्ती नगरपालिकाको प्रमुख पाउने भएको छ । गठबन्धनको चितवनको जिल्ला संयन्त्रले जिल्ला समन्वय समिति प्रमुख र उपप्रमुखसहित सदस्यहरुको समेत भागबण्डा मिलाएको गठबन्धन संयन्त्रका एक नेताले बताए ।
ती नेताले गठबन्धनका दलहरुबीच चितवनमा कुनै किसिमको समस्या नरहेको र जिल्लाका सबै पालिका, वडा तथा जिल्ला समन्वय समितिको समेत भागबण्डा मिलाइसकेको बताए । सहमतिअनुसार गठबन्धनका दलहरुबिच एकता र सहकार्य भएर गठबन्धनका उम्मेदवारहरुलाई जिताउँनेमा केन्द्रीत हुने बताइएको छ ।
काठमाडौं : नेपाली कांग्रेस विशेष महाअधिवेशनको नेतृत्वलाई पूर्ण असफल बनाउन र निर्वाचनमा कांग्रेस उम्मेदवार जिताउन भूमिका नखेलेको आरोप लागेका, तरुण...
काठमाडौं : यो भन्दा अगाडिको संसद्मा तत्कालीन उपप्रधानमन्त्री प्रकाशमान सिंहदेखि पराराष्ट्रमन्त्री आर्जु राणालाई संसद्मै पशुपतिनाथलाई ढोक्दै अबको संसद्मा यी अनुहार...
काठमाडौं : सरकारले संसद् छलेर अध्यादेश ल्याएको भन्दै प्रतिपक्षी दलहरूले असन्तुष्टि जनाएका छन् । नेपाली कांग्रेस, नेकपा एमालेलगायत चार दलले संयुक्त रूपमा...
