उम्मेदवारकाे अन्तिमरूप दिन काँग्रेस संसदीय समिति बैठक बालुवाटारमा

नयाँ विकल्प संवाददाता
प्रकाशित मिती: २०७९ बैशाख १२, ११: ४७

काठमाडौं । स्थानीय तह निर्वाचन अन्तर्गत उम्मेदवार मनोनय गर्ने बेलासम्म नेपाली काँग्रेसले महानगर प्रमुख र उपप्रमुखको टुंगो लागाउने तयारीमा छ । महानगरपालिका मयेर–उपमेयरको उम्मेदवार चयनका लागि काँग्रेस संसदीय समिति बैठक अहिले पनि चलिरहेको छ ।

आइतबार संसदीय समिति गठन गरेको काँग्रेसले आज महानगरपालिकाको प्रमुख र उपप्रमुखको उम्मेदवारी टुंगो लगाउन प्रधानमन्त्रीको सरकारी निवास बालुवाटारमा बैठक चलिरहेको बताइएको हो ।
यसअघि शुक्रबारदेखि महानगरपालिकाको मेयर उपमेयर छान्न शीर्ष नेताबीच छलफल भएको थियो । पटकपटक छलफल भएपनि सहमति जुट्न नसकेपछि उम्मेदवार छनोटमा ढिलाइ भएको काँग्रेस नेता बताउँछन् ।

काँग्रेसको बैठकले काठमाडौं महानगरपालिकाको मेयरमा प्रभावशाली नेता प्रकाशमान सिंह पत्नि सिर्जना सिंहको नाममा सहमति जुटाएको छ । केही स्थानमा स्वतन्त्र उम्मेदवारी दिनेसम्मका कुराहरु बाहिर आइरहँदा काँग्रेसले आजको बैठकबाट उम्मेदवारको अन्तिम लिष्ट निकाल्ने देखिन्छ ।

नेपाली काँग्रेसले उम्मेवारी मनोनयको दास्रो दिनसम्म पनि महानगरपालिकाको प्रमुख र उपप्रमुखका विषयमा सहमति गर्न सकेको छैन् । अहिले बसीरहेको शीर्ष नेताहरुको टोलीले टुंगो लगाउँने र मनोनयका लागि निर्वाचन अधिकृतको कार्यालयमा जाने एक नेताले बताए ।