- अनामनगर काठमाडौँ
- infobikalpa21@gmail.com
गलकोट । देशभरका केही पालिकाहरुमा गठबन्धनमा भाडभैलो भइरहेको अवस्थामा बागलुङ जिल्लामा भने सबै स्थानीय तहहरुमा पाँचदलीय गठबन्धन मिलेर जान सहमत भएका छन् । गठबन्धनका दलहरुले लामो छलफल र कसरतपछि जिल्ला समन्वय समितिदेखि वडा तहसम्मको भागवण्डा टुंग्याएका हुन् ।
गठबन्धनका दलहरुले विगत चार दिनदेखि गरेको बृहत छलफलबाट जिल्ला समन्वय प्रमुख राष्ट्रिय जनमोर्चा र उपप्रमुख नेकपा (एकीकृत समाजवादी)लाई दिने र बागलुङका चार नगरपालिकामध्ये बागलुङ नगरपालिका र गलकोट नगरपालिकामा प्रमुख नेपाली कांग्रेस, जैमिनी नगरपालिकामा प्रमुख राजमो र ढोरपाटन नगरपालिकाको प्रमुख माओवादी केन्द्रलाई दिने सहमति भएको हो ।
बागलुङ रहेका छ गाउँपालिकामध्ये काठेखोला, बडिगाड, निसी र तमानखोलाको अध्यक्ष नेपाली कांग्रेस, ताराखोलाको अध्यक्ष माओवादी केन्द्र र बरेङको अध्यक्ष राजमोले पाउने सहमति भएको काँग्रेसका एक नेताले बताए ।
त्यसैगरी गठबन्धनले उपप्रमुख तथा उपाध्यक्ष बागलुङ नगरपालिका, गलकोट नगरपालिका, निसिखोला गाउँपालिकामा माओवादी केन्द्र, जैमिनी नगरपालिका र काठेखोला गाउँपालिकाकामा राष्ट्रिय जनमोर्चा, जैमिनी नगरपालिका, ताराखोला गाउँपालिका र बरेङ गाउँपालिकामा नेपाली कांग्रेस र तमानखोला नेकपा (एकीकृत समाजवादी)को भागमा रहेको छ । देशैभर गठबन्धनमा देखिएको आन्यौलताका बाबजुत पनि यहाँ गठबन्धनका दलहरु एक ढिक्का भएर अगाडी बढ्ने बताएका छन् ।
काठमाडौं : नेपाली कांग्रेस विशेष महाअधिवेशनको नेतृत्वलाई पूर्ण असफल बनाउन र निर्वाचनमा कांग्रेस उम्मेदवार जिताउन भूमिका नखेलेको आरोप लागेका, तरुण...
काठमाडौं : यो भन्दा अगाडिको संसद्मा तत्कालीन उपप्रधानमन्त्री प्रकाशमान सिंहदेखि पराराष्ट्रमन्त्री आर्जु राणालाई संसद्मै पशुपतिनाथलाई ढोक्दै अबको संसद्मा यी अनुहार...
काठमाडौं : सरकारले संसद् छलेर अध्यादेश ल्याएको भन्दै प्रतिपक्षी दलहरूले असन्तुष्टि जनाएका छन् । नेपाली कांग्रेस, नेकपा एमालेलगायत चार दलले संयुक्त रूपमा...
