संगीतकार सन्तोषको फरैना सार्वजनिक – Naya Bikalpa
February 21, 2024, Wednesday

संगीतकार सन्तोषको फरैना सार्वजनिक

काठमाडौं । संगीतकार सन्तोष श्रेष्ठको ‘फरैना’ उपन्यास सार्वजनिक भएको छ । काठमाडौंमा एक कार्यक्रमको आयोजना गरी उपन्यास सार्वजनिक गरिएको हो । गिनिज बुक अफ वल्र्ड रेकर्ड होल्डर श्रेष्ठले लामो समयदेखि सांगीतिक क्षेत्रमा लागेपनि उनको यो पहिलो उपन्यास कृति हो ।

थारु समुदायका महिलाले भोग्नु परेको समस्यालाई केन्द्रमा राखेर लेखिएको फरैना पढ्दा आफू निकै भावुक भएको र पढ्दा पढ्दै भक्कानिएर रोएको सांसद शान्ता चौधरीले सुनाइन् । उनले भनिन, ‘उपन्यास पढ्दै गर्दा मैले हरफ हरफमा आफ्नै चित्र भेटें’ र पढ्दा पढ्दा निरन्तर आँखाबाट आँसु बगिरह्यो ।’

उपन्यासमा मानवीय संवेदना र प्रकृतिको सुन्दर चित्रण गरिएको भन्दै गीतकार कृष्णहरि बरालले उपन्यासका सुन्दर पक्षको वर्णन गरे । त्यस्तै नायक राजेश हमालले मान्छेका हरेक संवेदनाहरूको चित्रण यस उपन्यसामा गरिएको बताए । फरैनाको प्रसंसा गर्दै उनले भने, ‘संवेदनालाई सरलीकरण गरिएको सुन्दर नमुना नै यस उपन्यासको विशेषता हो ।’

आफ्नो पारिवारिक सम्वन्ध थारु समुदायमा रहेको भन्दै हमालले थारुसमुुदायका महिलाको पीडा आफ्नो पीडा भएको सुनाए । त्यस्तै संविधानविद् भिमार्जुन आचार्यले श्रेष्ठको उपन्यासको बनोट र बनोट लोभलाग्दो भएको टिप्पणी गरे । लेखक सन्तोषले उपन्यासलाई आफ्नो संवेदनाको प्रतिरुपका रुपमा अर्थ्याए ।

उनले भने, ‘मेरो मानसपटलमा लामो समयदेखि सलबलाएको चेतनाले आख्यानको यो आकार ग्रहण गरेको छ, लकडाउनको समयले यो उपन्यास जन्मेको हो ।’ इन्डिगो इन्कबाट प्रकाशित यो उपन्यासको मूल्य ३९९ रुपैयाँ राखिएको भएपनि कार्यक्रममा छुटसहित ३०० मा वितरण भएको थियो ।

सम्बन्धित समाचार

गलतप्रबिद्धिका मानिसहरुको सत्तामा बलियो पकडः नेता केसी
गलतप्रबिद्धिका मानिसहरुको सत्तामा बलियो पकडः नेता केसी
  • २०७९ भाद्र २५, ०७: १०

काठमाडौं । नेपाली काँग्रेसका नेता अर्जुननरसिह केसीले ‘माफिया, बिचौलिया, कालोधनका धनपतिले सत्तामा बलियो पकड जमाएका छन्  । केसीले महासमिति बैठकमा...

बागमती प्रदेशको ‘सबै नीतिमा स्वास्थ्य कार्यान्वयन निर्देशिका’ स्वीकृत
बागमती प्रदेशको ‘सबै नीतिमा स्वास्थ्य कार्यान्वयन निर्देशिका’ स्वीकृत
  • २०७९ भाद्र २५, ०७: १०

चितवन। बागमती प्रदेश सरकारले ‘सबै नीतिमा स्वास्थ्य कार्यान्वयन निर्देशिका, २०८०’ स्वीकृत गरेको छ । मङ्गलबार बसेको मन्त्रिपरिषद् बैठकले निर्देशिका स्वीकृत...

कर्णाली प्रदेशमा २५ प्रतिशत बालबालिकामा पुड्कोपना देखिएकोले भिटामिनयुक्त चामल बिक्रि गरिदैँ
कर्णाली प्रदेशमा २५ प्रतिशत बालबालिकामा पुड्कोपना देखिएकोले भिटामिनयुक्त चामल बिक्रि गरिदैँ
  • २०७९ भाद्र २५, ०७: १०

सुर्खेत । कर्णालीमा भिटामिनयुक्त चामल बिक्रि गरिने भएको छ । पौष्टिक तत्वको कमी हुँदा कुपोषण कायमै रहेपछि खाद्य व्यवस्थापन तथा...