कविता: मेरो प्रिय भरत सर

नयाँ विकल्प
प्रकाशित मिती: २०७४ पुष १०, ०९: ०२

कविः माधव साधक, परियार

बिरालोको बच्चा होइन हुँ म व्यक्ति महान् ।
विवेक चेतना ज्ञान बुद्धि छ नि ब्रम्ह ज्ञान ।।

रोबर्ट ठानेँ निरीह ठानेँ, ठानेँ बिरालोको बच्चा ।
ठाउँ सारिरहे मलाई सोचे मलाई कच्चा ।।

सीधा कुरा प्रष्ट विचार राख्ने व्यक्ति हुँ म ।
डराउँदिन कोहीसँग शक्तिशाली छु म ।।

बिना प्रमाण लेख्दिन म लेख्छु प्रमाण दिएर ।
बोध विज्ञान लय विज्ञान प्रमाण हुन् मेरा ।।

सत्य कुरा देख्न बुझ्न लय विज्ञान गर्नैपर्छ ।
प्राप्त गर्छ ब्रम्ह ज्ञान जसले अघि सर्छ ।।

जीवन विज्ञान आइकन विज्ञान गर्नुस् बरु ।
स्वयम् प्रमाण बन्नुहुन्छ चाहिँदैन केही अरु ।।

गोर्खाली योद्धा हुँ म सत्य कुरा गर्छु ।
सबैसँग विनम्र प्रेमले सबै आफ्नै पार्छु ।।

यो कविता लेखेको छु गोर्खालीकै लागि ।
विश्वको हित गर्नलाई बनिसकेँ त्यागी ।।

साथ मलाई दिनुहुन्छ मेरो भरत सरले ।
कसले हेप्ने कसले पेल्ने अब मलाई अरुले ।।

सिट्ठी फुक्दै पार्किङ्गमा भातको हाल्छु गाँस ।
गोर्खाली नै मेरी आमा बनिसकेँ दास ।।

माधव र बलराममा फरक छैन केही ।
उहाँको आर्शिवाद पाएँ खुशी लाग्यो यही ।।

विश्वको नै शुभचिन्तक माधव हो नाउँ ।
भरत भन्नु भगवन नै हो हे ईश्वर साथ पाउँ ।।

सम्बन्धित समाचार

नेपाल तथा भारतका २८ जना प्राज्ञलाई नइ प्रज्ञा पुरस्कार

२०७४ पुष १०, ०९: ०२

काठमाडौँ। नइ एकेडेमीद्वारा आयोजित ‘नेपाल भारत विश्वविद्यालय प्राध्यापक सम्मेलन’मा सहभागी प्राज्ञहरुबाट आआफ्ना मन्तव्यपछि त्रिदिवसीय ऐतिहासिक सम्मेलनको समापन भएको छ ।समारोहमा...