बालेनलाई फुर्यो कविताः मिथ्यावको जस्तो ठूलो अभिमान र सान सत्यको हुँदैन

फुटपाथ विस्तार र नदी किनारका सुकुम्वासी हटाउने अदालतको आदेशपछि

बालेनलाई फुर्यो कविताः मिथ्यावको जस्तो ठूलो अभिमान र सान सत्यको हुँदैन

नयाँ विकल्प
प्रकाशित मिती: २०८१ श्रावण २, १६: ५८

काठमाडौं। काठमाडौं महानगरपालिकाका मेयर बालेन शाहले सत्यको कुनै पहिचान नहुने भन्दै कविता लेखेका छन्।

सामाजिक सञ्जालमा बालेनले कविता लेख्दै पछिल्लो समय आफूले गर्दै आएका काम र निर्णयप्रति उच्च अदालत पाटन र सर्वोच्च अदालतको आदेशले न्याय गरेको महसुस गर्दै त्यसप्रति लक्षित गरेका छन्।

बागमती नदी किनारमा रहेका बस्ती खाली गराउने र न्युोडको सँघुरो सडक पेटी चौडा गर्ने अभियानलाई संघीय सरकार र त्यसमा पनि नेकपा एमालेको नेतृत्वले विरोध गरिरहँदा वालेनले थुप्रै चुनौति बेहोरेका थिए।

सर्वोच्च र उच्च अदालतले उनको योजना र अभियानलाई बाटो खुला गरेपछि उनले फुटपाथ विस्तारको काम बुधबारदेखि तीब्र गतिमा अघि बढाएका छन्।

यस्तो छ बालेको कविता

सत्यको कुनै एउटा पहिचान,
कुनै नाम हुँदैन,
मिथ्याको जस्तो ठूलो अभिमान ,
कुनै शान हुँदैन,
जलझै शीतल, फूलझैं कोमल,
सून न पित्तल, किसानझै फोहर,
आकाशझै विशाल ,
स्पर्शझै सुक्ष्म,
सगरमाथाझै हिमाल,
थोपाझै पूर्ण,
सत्यको कुनै दाम हुँदैन,
कुनै एउटा पहिचान,
कुनै एउटा काम हुँदैन। नाम हुँदैन ।