- अनामनगर काठमाडौँ
- infobikalpa21@gmail.com
काठमाडौं : नेपाल क्रिकेट संघ (क्यान)ले नेपाली राष्ट्रिय क्रिकेट टोलीको एकदिवसीय (ओडिआई) कप्तान परिवर्तन गर्दै स्पिनर सन्दीप लामिछानेलाई नयाँ कप्तान नियुक्त गरेको छ । क्यानले नियमित कप्तान रोहितकुमार पौडेललाई जिम्मेवारीबाट हटाउँदै सन्दीपलाई ओडिआई टोलीको नेतृत्व सुम्पिएको हो ।
सन्दीपले करिब चार वर्षपछि नेपाली राष्ट्रिय टोलीको कप्तानीमा पुनरागमन गरेका हुन् । यसअघि उनी नेपाली टोलीका कप्तान थिए । तर, उनीमाथि बलात्कार मुद्दा लागेपछि कप्तानीको जिम्मेवारीबाट हटाइएको थियो । उक्त मुद्दामा सन्दीपले अदालतबाट सफाइ पाइसकेका छन् ।
क्यानले मलेसियामा आयोजना हुने एसिसी पुरुष प्रिमियर कपका लागि सन्दीपको कप्तानीमा १४ सदस्यीय नेपाली ओडिआई टोलीसमेत घोषणा गरेको छ । प्रिमियर कप एकदिवसीय फर्म्याटमा आयोजना हुँदैछ र यो प्रतियोगिता आगामी एसिया कपको छनोटका रूपमा समेत रहेको छ । सन्दीपले प्रिमियर कपबाटै नेपाली ओडिआई टोलीको नेतृत्व सम्हाल्नेछन् ।
सन्दीपको कप्तानीमा पुनरागमन भएसँगै रोहित पौडेलको नेपाली ओडिआई टोलीको कप्तानी यात्रा टुंगिएको छ । रोहितले २०७९ कात्तिकमा सन्दीपकै स्थान लिँदै नेपाली राष्ट्रिय टोलीको कप्तानी सम्हालेका थिए ।
क्यानले सन्दीपको कप्तानीमा घोषणा गरेको ओडिआई टोलीमा केही महत्वपूर्ण परिवर्तनसमेत गरेको छ । नियमित रूपमा राष्ट्रिय टोलीमा रहँदै आएका केही खेलाडी यसपटक टोलीमा परेका छैनन् भने केही खेलाडीले पुनरागमन गरेका छन् ।
टोलीमा ओपनर कुशल भुर्तेल र अनुभवी अलराउन्डर सोमपाल कामी छैनन् । यस्तै आरिफ शेख पनि यसपटकको ओडिआई टोलीमा अटाएका छैनन् । नन्दन यादव पनि टोलीबाट बाहिर छन् । उनी चोटका कारण टोलीमा नरहेको जनाइएको छ ।
देव खनाल र बसिर अहमदले राष्ट्रिय ओडिआई टोलीमा पुनरागमन गरेका छन् । सन्दीप जोरा र शेर मल्लले पनि टोलीमा स्थान बनाएका छन् ।
प्रिमियर कपका लागि घोषणा गरिएको १४ सदस्यीय नेपाली टोलीमा कप्तान सन्दीपसँगै आसिफ शेख, अर्जुन कुमाल, रोहितकुमार पौडेल, देव खनाल, दीपेन्द्रसिंह ऐरी, सन्दीप जोरा, बसिर अहमद, इशान पाण्डे, गुल्सन झा, शेर मल्ल, ललित राजवंशी, करण केसी र हेमन्त थामी रहेका छन् ।
काठमाडौं : विशेष अदालतले नेपाली कांग्रेसका नेता तथा पूर्वमन्त्री ज्ञानेन्द्रबहादुर कार्कीलाई पोखरा क्षेत्रीय अन्तर्राष्ट्रिय विमानस्थल निर्माणसँग सम्बन्धित भ्रष्टाचार मुद्दामा १५ लाख...
ललितपुर : नेपाली कांग्रेसले खाना पकाउने ग्यासको अभाव, विद्युत् खपतमा कर वृद्धि, रासायनिक मलको संकट, बजारमा बढ्दो महँगी तथा सरकारको...
मुलुक लोकतन्त्र र संविधानको संरक्षण र सम्बर्धन गर्नुपर्ने गम्भीर मोडमा उभिएको अवस्थामा नेपाली कांग्रेस भित्र झांगिदै गएको गुटगत तिक्तता, विशेष...
