जनजनको मुखबाट गुञ्जिदैछ गोबिन्दको गीत

नयाँ विकल्प
प्रकाशित मिती: २०८२ भाद्र ९, १२: ३२

मुटुभित्र खिल छ हजुर
न त झिक्नै मिल्छ हजुर
तिमीलाई धेरै माया गर्ने
एउटा सानो दिल छ हजुर…।
लोकप्रिय तथा चर्चित गीतकार गोबिन्द भट्टको शव्द र गायक तथा संगीतकार बाबुल गिरीको स्वरमा सजिएको यही बोलको गीतले अहिले बजार तताइरहेको छ । नेपाली कथानक चलचित्र ‘सिटामोल’ मा समेटिएको यो गीति यतिबेला जनजनको मुखमा गुञ्जिरहेको भेट्न सकिन्छ । गत साउन २३ गते सार्वजनिक भएको यही गीतले चचचित्रलाई समेत व्यवसायिक सफलतामा साथ दिएको छ ।
चलचित्र ‘सिटामोल’ उपत्यका र बाहिरका केही हलहरूमा प्रदर्शन भइरहेको छ । गीतकार भट्टका अनुसार, सो चलचित्रमा उनले अर्को ‘झुम्का कानैमा…’ बोलको गीत पनि समावेश छ । ‘यी दुईमध्ये मुटुभित्र खिल छ हजुर..गीतचाहिँ निकै लोकप्रिय भएको छ’ गीतकार भट्ट सन्तुष्टि व्यक्त गर्छन्– ‘माया, प्रेम र विछोड भावले भरिएको यो गीतमा शव्दहरू पनि त्यस्तै चयन गरेको छु, धेरैले शव्द–वाक्य मन–मुटु छुनेखालको भन्छन् ।’ जानकारी अनुसार, यो गीतको भिडियो अहिलेसम्म १५ लाखभन्दा बढीले हेरिसकेका छन् ।
उसो त पछिल्लो समय निकै व्यस्त गीतकार भट्टको दुई दर्जनभन्दा बढी गीत प्रकाशिन छन् भने करिव एक सय प्रकाशोन्मुख छन् । लोकदोहोरी प्रतिष्ठान, गीतकार संघ र नेपाल चलचित्र नृत्य संघको आजीवन सदस्य तथा रोयल्टी नेपालको सदस्य उनी आफ्नो विधा–पेशागत र अन्य विभिन्न सामाजिक संस्थामा समेत उत्तिकै क्रियाशील छन् ।
र त उनले ‘विशेष नागरिक क्रियसन अवार्ड–२०८२’, ‘तेस्रो स्टार म्युजिक एण्ड फिल्म अवार्ड–२०२५’, ‘चौथो स्पर्स म्युजिक भिडियो अवार्ड–२०८१’, ‘चौथो स्पाइनी ब्याब्लर इन्टरनेशनल फिल्म फेस्टिभल–२०२४’मा ‘राष्ट्रिय कला सम्मान’, ‘गोल्डेन हर्स इन्टरनेशनल अवार्ड–२०२२’ तथा ‘गोल्डेन इन्टरनेशनल म्युजिक अवार्ड–२०२४’ लगायत पाइसकेका छन् । भट्ट हाल निकै चल्तीका गीतकार मानिन्छन् ।

सम्बन्धित समाचार

‘झिँगेदाउ–२’ को पोस्टर सार्वजनिक, असोज २ देखि देशभर प्रदर्शन हुने

२०८२ भाद्र ९, १२: ३२

काठमाडौं । कपनगढी सिनेमा प्रालि र फिल्म क्र्यु नेपाल प्रालिको प्रस्तुतिमा निर्माण भएको नेपाली चलचित्र झिँगेदाउ–२ को आधिकारिक पोस्टर सार्वजनिक...

६० वर्षपछि जगद्गुरु विधुशेखर भारतीको नेपाल भ्रमणले धार्मिक तथा सांस्कृतिक क्षेत्रमा उत्साह

२०८२ भाद्र ९, १२: ३२

नेपाल भारत धार्मिक तथा सांस्कृतिक क्षेत्रमा सदिँयौदेखि निरन्तर चल्दै आएको आपसी सम्बन्ध र धार्मिक अनुष्ठानका कार्यक्रमहरु हिन्दु धर्मावलम्बीहरुका लागि उच्च...