- अनामनगर काठमाडौँ
- infobikalpa21@gmail.com
कालीकोट । कालीकोट जिल्लामा गरिएको मतदाता नामावली संकलनका क्रममा महिला मतदाता संख्या बढेको पाइएको छ । जिल्ला निर्वाचन कार्यालयले गत मङ्सिर १७ गतेदेखि यही पुस ९ गतेसम्म नौ स्थानीय तहमा सञ्चालन गरेको मतदाता नामवली सङ्कलनका क्रममा पुरुषभन्दा महिला मतदाताको सङ्ख्या वृद्धि भएको जनाएको हो ।
जिल्ला निर्वाचन कार्यालयका प्रमुख धनबहादुर मल्लले स्थानीय तहमा सञ्चालन गरिएको फोटोसहितको मतदाता नामावली सङ्कलनको क्रममा कालीकोटमा जम्मा दुई हजार ५७८ मतदाता थपिएको बताए ।
हालसम्म संकलित तथ्याङ्कमा १ हजार ५ सय ६१ जना महिला र १ हजार १७ जना पुरुष गरी दुई हजार ५ सय ७८ जनाले नाम दर्ता गराएको प्रमुख मल्लले जानकारी दिए ।
त्यस्तै स्थानीय तहमध्ये तिलागुफा नगरपालिकामा ३ सय ११ महिला, १ सय ३७ पुरुष, रास्कोट नगरपालिकामा ३ सय १८ महिला, ३ सय पुरुष र महावैमा १ सय ४० महिला, ९२ पुरुषले नाम दर्ता गराएको बताए ।
त्यस्तै जिल्लाको नरहरिनाथमा ३ सय ८८ महिला तथा २ सय ११ पुरुष, शुभकालिकामा १ सय ८४ महिला तथा १ सय ५६ पुरुष, सान्नी त्रिवेणीकामा ८८ महिला तथा ६६ पुरुष, पचालभरनामा २ सय ७ महिला तथा ९२ जना पुरुष र पलाँता गाउँपालिका १३८ महिला ५९ पुरुष मतदाता थपिएको प्रमुख मल्ले बताए ।
त्यस्तै बाँकी रेहेका नागरिकहरुका लागि जिल्लामा अहिले जिल्ला प्रशासन कार्यालय र जिल्ला निर्वाचन कार्यालयबाट फोटोसहितको नामावली सङ्कलन कार्य जारी रहेको जिल्ला निर्वाचन कार्यालयले जानकारी दिएको छ ।
काठमाडौं : यो भन्दा अगाडिको संसद्मा तत्कालीन उपप्रधानमन्त्री प्रकाशमान सिंहदेखि पराराष्ट्रमन्त्री आर्जु राणालाई संसद्मै पशुपतिनाथलाई ढोक्दै अबको संसद्मा यी अनुहार...
हेटौंडा : मदन भण्डारी स्वास्थ्य विज्ञान प्रतिष्ठानको दशौं सभा बैठक बुधबार हेटौंडामा सम्पन्न भएको छ । बैठक प्रतिष्ठानका कुलपति तथा...
काठमाडौं : सरकारले संसद् छलेर अध्यादेश ल्याएको भन्दै प्रतिपक्षी दलहरूले असन्तुष्टि जनाएका छन् । नेपाली कांग्रेस, नेकपा एमालेलगायत चार दलले संयुक्त रूपमा...
