- अनामनगर काठमाडौँ
- infobikalpa21@gmail.com
काठमाडौँ । वैदिक सनातन धर्मावलम्बीले भगवान् श्रीकृष्णको पूजा–आराधना गरी श्रीकृष्ण जन्माष्टमी पर्व आज देशभर श्रद्धा–भक्तिपूर्वक मनाउँदैछन्।
द्वापरयुगमा भाद्र कृष्ण अष्टमीको मध्यरातमा भगवान् श्रीकृष्णको जन्म भएको धार्मिक विश्वासअनुसार यस दिनलाई श्रीकृष्ण जन्माष्टमीका रूपमा मनाउने गरिन्छ। जन्माष्टमीका अवसरमा देशभरका कृष्णमन्दिरमा विशेष पूजा–आराधना, प्रवचन, भजन–कीर्तन तथा धार्मिक कार्यक्रम आयोजना गरिन्छ। भक्तजनले व्रत बसेर रातभर जाग्राम बस्ने प्रचलनसमेत छ।
ज्ञानयोग, कर्मयोग र भक्तियोगका प्रणेता मानिने श्रीकृष्णलाई भगवान् विष्णुको आठौँ अवतारका रूपमा हिन्दू धर्मावलम्बीले पूजा गर्ने गर्छन्। अन्याय, अत्याचार र दानवी प्रवृत्तिको अन्त्य गर्दै सत्य र सत्कर्मको मार्गमा मानव समुदायलाई प्रेरित गरेको धार्मिक ग्रन्थमा उल्लेख छ।
कुरुक्षेत्रमा कौरव र पाण्डवबीच भएको युद्धका क्रममा अर्जुनलाई श्रीकृष्णले दिएको उपदेशलाई श्रीमद्भागवतगीता भनिन्छ। हिन्दू धर्मको पवित्र ग्रन्थका रूपमा मानिने गीतालाई विश्वका विभिन्न भाषामा अनुवाद गरिएको छ।
पौराणिक कथाअनुसार बाल्यकालदेखि नै विभिन्न लीला देखाएका श्रीकृष्णले पुतना, कंश, जरासन्ध र शिशुपालजस्ता दानवी प्रवृत्तिको संहार गरेका थिए।
जन्माष्टमीका अवसरमा आज ललितपुरको मङ्गलबजारस्थित प्रसिद्ध कृष्णमन्दिरमा विशेष मेला लाग्नेछ। यस्तै, काठमाडौँको कागेश्वरी मनोहरा नगरपालिकास्थित नवतनधाम तथा बूढानीलकण्ठस्थित श्रीकृष्ण भावनामृत सङ्घको कृष्णमन्दिरमा पनि भक्तजनको भीड लाग्ने गर्छ।
यसै अवसरमा काठमाडौँ उपत्यकाका विभिन्न धार्मिक सङ्घसंस्थाले भगवान् श्रीकृष्णको झाँकीसहित शोभायात्रा तथा रथयात्रासमेत आयोजना गर्ने परम्परा छ।
काठमाडौं : त्रिभुवन विश्वविद्यालय(त्रिवि) को वार्षिक बजेट वृद्धि भएको छ । गत वर्षको तुलनामा ९.७७ प्रतिशतले वृद्धि भएको हो ।...
काठमाडौं : नेपाली कांग्रेसको १५औं महाधिवेशनअन्तर्गत नयाँ नेतृत्व चयनका लागि बिहीबार हुने भनिएको मतदान स्थगित भएको छ । मतदानका लागि...
काठमाडौं : अख्तियार दुरुपयोग अनुसन्धान आयोगले यातायात व्यवस्था कार्यालय, सवारी चालक अनुमतिपत्र, रूपन्देहीका तत्कालीन कार्यालय प्रमुख तेजनारायण यादवसहित ७ जनाविरुद्ध...
