हाम्रो प्रयास–विवाद भएको क्षेत्रमा सहमति गरेर अधिवेशन होस् भन्ने हो

नेपाली काँग्रेसका केन्द्रीय सदस्य तथा संसदको सार्वजनिक समितिका पूर्व सभापति रामकृष्ण यादव पार्टीलाई जनमुखी उत्तरदायी र सशक्त बनाउन नेतृत्व परिवर्तनको पक्षमा हुनुहुन्छ ।

पार्टीको १४औ महाधिवेशन अन्तर्गत हाल क्षेत्र र जिल्लाको अधिवेशन सम्पन्न भएर प्रदेश अधिवेशन भइरहँदा प्रदेश नं. २ मा भने सबै जिल्लाको अधिवेशननै हुन सकेको छैन । यिनै समसामयिक विषयमा केन्द्रीत रहेर हाम्रा विशेष संवाददाताले गरेको कुराकानीको सम्पादीत अशंः

२ नं. प्रदेशको कुरा गर्दाखेरी त्यहाँ अधिवेशन हुन सकेन नि किन ?
केही दिन अगाडि मात्रै छ वटा प्रदेशमा मतदान भयो । २ नं. प्रदेशको कुरा गर्ने हो भने त्यहाँ क्रियाशिल सदस्यता देखीनै विभिन्न ठाउँहरुमा विवाद उत्पन्न भएको थियो । त्यो कारणले गर्दा वडा अधिवेशनमै क्रियाशिल सदस्यता विवाद समयमा टुङ्गो नलाग्दा सबै ठाउँको निर्वाचन समयमा हुन सकेन । हामीले २ नं. प्रदेशको समुद्घाटन कार्यक्रम धेरै राम्रोसँग सम्पन्न गरेका थियौ ।

त्यसपछि निर्वाचन समितिले जुन कार्यतालिका निकालेको थियो, त्यो कार्यतालिका अनुसार सात वटा निर्वाचन क्षेत्र एउटा सिङ्गो सर्लाही जिल्ला सप्तरीको एउटा निर्वाचन क्षेत्र, महोत्तरीको एउटा निर्वाचन क्षेत्र, रौतहटको एउटा निर्वाचन क्षेत्र र केही जिल्लामा निर्वाचन भइसकेता पनि त्यहँँको महाधिवेशन प्रतिनिधिहरुको नामावली निर्वाचन समितिसँग आइ नपुगेको कारणले केन्द्रीय कार्य समितिका हामी सबै पदाधिकारीहरु बसेर आफैं जिल्लाका सभापतिहरु बसेर आठ वटा निर्वाचन क्षेत्रलाई र एउटा सिङ्गो जिल्लालाई पछाडि पारेर अगाडि बढ्ने कि सबैलाई सहभागी गराउने भन्ने कुरानै हाम्रो महत्वपूर्ण चिन्ताको विषय बनेको छ । सर्लाहीमा आज हुने कुरा छ ।

यस्तैगरी विभिन्न ठाउँमा विभिन्न किसिमको विवाद उत्पन्न भएको छ । प्रदेश अधिवेशन हामीले आजनै शुरु गरिदियौ भने लगभग तीनसय पचास जना मतदाताले प्रदेश नं. २ को अधिवेशनमा भाग लिन पाउँदैनन् । त्यसकारणले गर्दा हामी सबै जनाको भनाइ के छ भन्दा सहमतिको आधारमा अधिवेशन गरौं भन्ने छ । उनीहरुलाई बाइपास गरेर जाँदा राम्रो सन्देश जाँदैन ।

अहिलेसम्म मतदाता नामावली पनि प्रकाशन भएको छैन । कुन निर्वाचन क्षेत्रबाट, कुन जिल्लाबाट कति क–कसको नाम आएको छ, कसको नाम आएको झन् पहिला त्यो नाम सार्वजनिक गर्नुप¥यो । पार्टीप्रति आस्था बढाउने हो भने सबैलाई समेटेर सबैको सहभागितामा अधिवेशन सम्पन्न भएको राम्रो हुन्छ । केन्द्रीय महाधिवेशन पनि एकदम नजिक आएको छ । त्यसै कारणले गर्दा सातवटा निर्वाचन क्षेत्रलाई हामीले बाइपास गरेर अगाडि बढ्यौ भने नराम्रो सन्देश जान्छ ।

हिजोसम्म पाँचवटा जिल्लाको मात्रै नामावली आएको थियो । तीनवटा जिल्लाको नामावली आउन अझै बाँकी छ । तीन वटा जिल्लाको नामावली नआएपछि ति जिल्लालाई थातीराखेर पन्छाएर अधिवेशन ग¥यौ भने त्यो अधिवेशनको महत्व कस्तो किसिमको हुन्छ होला ? त्यो अधिवेशनप्रति आमजनताको आकर्षण घट्छ कि बढ्छ भन्ने सबैले बुझ्नुपर्ने कुरा हो ।

हाम्रो भनाई के छ भन्दा निर्वाचन समितिबाट नामावली आइपुग्छ भने आज र भोलीमा अधिवेशन गर्न सकिन्छ । २४ गते केन्द्रीय महाधिवेशनको उद्घाटन समारोह छ । २५ गते नोमिनेशन छ । यहाँ पनि पन्ध्र सोह्र जना केन्द्रीय सदस्य हामीहरु छौं । २ नं. प्रदेशको अधिवेशनको बारेमा कन्फर्म गर्नसक्ने अवस्था छैन । सर्लाही जिल्लामा न पालिकाको निर्वाचन भएको छ, न क्षेत्रीय अधिवेशन सम्पन्न भएको छ ।

२ नं. प्रदेशमा कस्तो किसिमको गठबन्धन बन्दै छ ? विमलेन्द्र निधि र तपाईहरुको बिचमा सहकार्य हुन्छ कि हुँदैन अथवा पार्टी सभापति शेरबहादुर देउवाको उम्मेद्वारलाई तपाईहरु सहयोग गर्न सक्नुहुन्छ कि हुँदैन तपाई के भन्नुहुन्छ ?
हामी अहिले कसैको गुट उपगुट भन्दा पनि सातवटा प्रदेशमध्ये २ नं. प्रदेश नेपाली काँग्रेसको इतिहासमा धेरै महत्व राख्ने प्रदेश हो । २ नं. प्रदेश संगठनात्मक दृष्टिकोणले हिजो जुन किसिमको परिणाम तीन तहको निर्वाचनमा पाएका थियौ, त्यो बेला संगठन अलि कमजोर रुपमा नै देखिएको थियो । नेपाली काँग्रेस पार्टीलेनै मुलुक चलाउन सक्दछ र प्रदेश चलाउन सक्दछ ।

प्रदेशमा पनि अहिलेसम्म प्रदेशको नाम तोक्न सकिरहेको छैन । प्रदेश नं. २ मा सहमतिको आधारमा गुट र उपगुटभन्दा माथि उठेर राम्रो नेताको चयन गरेर संगठनलाई बलियो बनाउनको निम्ति विस्तार गर्नको निम्ति र आउने तिन तहको निर्वाचनको सामना गर्नका निम्ति र प्रदेश नं. २ मा राम्रो संगठन भएपछि केन्द्रमा पनि नेपाली काँग्रेसको सरकार सहजै रुपमा बनेको विगतको इतिहास छ ।

तपाईहरुको बिचमा सहमति हुनसक्न्े सम्भावना छ र सर्वसम्मत रुपमा नेतृत्व चयन हुन सक्छ त प्रदेश नं. २ मा तपाईलाई के लाग्छ ?
हाम्रो बिचमा सर्वसम्मत रुपमा उम्मेद्वार चयन गर्ने कुरा पनि चलिरहेको छ । निर्वाचनको कुरा त छँदै छ । आठवटा निर्वाचन क्षेत्रको नामावली नआएको कारणले निर्वाचन रोकिएको छ ।

आम दाजुभाई दिदीबहिनीको चिन्ता बढिरहेको छ । ऐतिहासिक पहिलो पटक प्रदेश अधिवेशन हुँदैछ । सात÷आठ वटा निर्वाचन क्षेत्रका महाधिवेशन प्रतिनिधिहरुलाई बाइपास गरेर अधिवेशन ग¥यौ भने अधुरो किसिमको प्रदेशको अधिवेशन हुन जान्छ ।

नकारात्मक सन्देश जान्छ । हाम्रो प्रयास बाँकी रहेका सात÷आठवटा निर्वाचन क्षेत्रको प्रतिनिधिहरुलाई पनि सहभागी गराउ र सहमतिको आधारमा पनि अगाडि बढौं भन्ने कुरामा हाम्रो छलफल भइरहेको छ ।

अब केन्द्रीय महाधिवेशनमा तपाईहरुको भुमिका के रहन्छ त ? तपाईहरुले साझा उम्मेद्वार तय गर्न सक्नुहुन्छ ?
केन्द्रीय महाधिवेशनमा पनि हामो प्रयास त रहन्छ तर प्रजातान्त्रिक प्रक्रिया हो । एउटा आमसहमतिको कुरा भने अर्को निर्वाचनको कुरा छ । वास्तवमा अहिलसम्म जसले अवसर पाउनु भएको छैन ।

ठुलो त्याग, तपस्या र बलिदानको इतिहास बोकेका हाम्रा आदरणीय नेताहरु पनि हुनुहुन्छ पार्टीमा । पार्टी सभापति शेरबहादुर देउवाले अब त्यसलाई फराकिलो बनाइदिनुपर्छ । किनभने उहाँले धेरै पटक मुलुकको नेतृत्व गरिसक्नुभएको छ । सबै कुरा उहाँले अनुभव गरिसक्नुभएको छ ।

त्यसकारणले मलाई लाग्दछ कि अब उहाँले अभिभावकको भुमिकामा आएर उहाँले सर्वसम्मतिको बाटो देखाइदिनुपर्छ । सहमति धेरै टाढाको कुरा होइन । सहमति, सहकार्य अनुसारनै महाधिवेशन सम्पन्न गर्न सकिन्छ । यदि सहमति, सहकार्य भएन भने निर्वाचनको प्रक्रिया छँदैछ ।