उम्मेदवार मनाेनयन दर्ता समय सकियाे

नयाँ विकल्प संवाददाता
प्रकाशित मिती: २०७९ बैशाख १२, १७: ३३

काठमाडौं । निर्वाचन अायाेगले उम्मेदवार मनोनयन दर्ताको लागि तोकिएको समयसीमा सकिएको छ । बैशाख ३० गते हुने स्थानीय तह निर्वाचनका लागि निर्वाचन आयोगले उम्मेदवारी दर्ताका विहान १० बजे देखि ५ बजेसम्मको समय तोकेको थियो ।

निर्वाचन आयोगले आइतबार र सोमबार दुई दिन उम्मेदवार मनोनयनका लागि समय छुट्टयाएको पनि पहिलो दिन थोरै दलहरुले मात्रै मनोनयन दर्ता गराएका थिए । दोस्रो दिन केही भिड भएपनि सो समय अपरान्ह ५ बजेसम्म सकिएको छ ।

उम्मदवारी मनोनयनको समय सकिएसँगै निर्वाचन आयोग देशैभरको विवरण संकलनमा जुटेको छ । मनोनयनपछि आयोगले वैशाख १३ गते उम्मेदवारको विरोधमा उजुरी दिने, वैशाख १४ र १५ गते मनोनयन पत्र जाँच गर्ने तथा उजुरी उपर जाँचबुझ गरी निर्णय गर्ने, वैशाख १५ गते मनोनयन भएको उम्मेदवारको नामावली प्रकाशन गर्ने कार्यतालिका रहेको जनाएको छ ।

निर्वाचन आयोगले बैशाख ३० गते हुने स्थानीय तह सदस्य निर्वाचनलाई स्वच्छ, निष्पक्ष, पारदर्शी तथा भयमुक्त वातावरणमा सम्पन्न गर्न सम्बद्ध दलहरुले सहयोग गर्ने विश्वास व्यक्त गरेको छ भने निर्वाचन आचारसंहिता उल्लंघन भएका उजुरी आए तुरुन्त कारवाही गरिने जनाएको छ ।