- अनामनगर काठमाडौँ
- infobikalpa21@gmail.com
काठमाडौं : नेपाली कांग्रेसको केन्द्रीय कार्यसम्पादन समितिको बैठक आज पार्टी केन्द्रीय कार्यालय सानेपामा सुरु भएको छ । बैठकको प्रारम्भमै देशका विभिन्न जिल्लामा आएको अकल्पनीय बाढीका कारण उत्पन्न मानवीय संकट र त्यसपछिको अवस्थाबारे विस्तृत छलफल केन्द्रित हुने जनाइएको छ ।
बैठकमा सभापति गगनकुमार थापाले बाढीपीडितहरूको अवस्था, राहत तथा उद्धारको प्रगति र सरकारको भूमिकालगायत विषयमा गम्भीर छलफल हुने बताए । उनले विपद् व्यवस्थापनमा सबै पक्षको समन्वय आवश्यक रहेकोमा जोड दिए ।
बैठकलाई सम्बोधन गर्दै सभापति थापाले भोटेकोशी बाढीका कारण उत्पन्न महाविपत्तिका बेला नागरिकलाई भौतिक राहत र पुनर्निर्माणका साथै भावनात्मक सहानुभूति र कानूनी सहजता आवश्यक रहेको बताए । आफ्नो पछिल्लो स्थलगत भ्रमणको अनुभव र वस्तुस्थिति प्रस्तुत गर्दै सभापति थापाले नुवाकोट र रसुवाका अति प्रभावित क्षेत्रहरूको अवस्था अत्यन्तै हृदयविदारक रहेको जानकारी दिए ।
उनले विपद्को यस कठिन घडीमा नेपाली कांग्रेस पूर्ण रूपमा सरकार र पीडित नागरिकको साथमा रहेको प्रतिवद्धता व्यक्त गरे । स्थलगत अवलोकनका क्रममा देखिएका मार्मिक घटनाहरू स्मरण गर्दै थापाले रसुवा र नुवाकोटमा धेरै परिवारले आफ्ना सदस्यहरू गुमाएको र कतिपयको परिवार नै सखाप भएको बताए ।
बेत्रावती, उत्तरगया र स्याफ्रुबेँसी लगायतका क्षेत्रमा सडक सञ्जाल विच्छेद भएका कारण राहत तथा उद्धार कार्य चुनौतीपूर्ण बनेको उनको भनाइ छ । उनले नौकुण्ड र गुम्बाडाँडा जस्ता क्षेत्रको स्थलगत भ्रमण गर्दा स्थानीयले भोग्नुपरेको अपार पीडा र शोकले आफूलाई स्तब्ध बनाएको उल्लेख गरे ।
सभापति थापाले मुलुकी देवानी संहितामा रहेको बेपत्ता सम्बन्धी कानूनी प्रावधानका कारण पीडित परिवार थप अन्योल र समस्यामा परेको औँल्याए । १२ वर्षसम्म बेपत्ता व्यक्तिलाई मृत मान्न नसकिने वर्तमान कानुनी व्यवस्थाले गर्दा मृतकको संस्कार गर्न र सरकारी सुविधा तथा अधिकारबाट वञ्चित हुने डर स्थानीयमा देखिएको उनले बताए । यस समस्यालाई तत्काल सम्बोधन गर्न कानुन संशोधन गरी स्थानीय सरकारलाई मृत्यु प्रमाणित गर्नसक्ने अधिकार दिनुपर्नेमा उनले सरकारको ध्यानाकर्षण गराए ।
बैठकलाई सम्बोधन गर्दै रसुवा–१ का सांसद मोहन आचार्यले भावुक हुँदै रसुवाको अवस्था अत्यन्त दयनीय रहेको बताए । उनका अनुसार बाढीले जिल्लाभरि व्यापक क्षति पुर्याएको छ, धेरै घरपरिवार विस्थापित भएका छन् भने हजारौं नागरिक अझै सम्पर्कविहीन रहेको आशंका गरिएको छ । जिल्लाका जलविद्युत् आयोजना समेत गम्भीर रूपमा क्षतिग्रस्त भएका छन् ।
त्यस्तै, नुवाकोटका सांसद अर्जुननरसिंह केसीले बाढीलाई “हिमालयन सुनामी”को संज्ञा दिँदै अहिलेसम्म १,२७३ जनाको ज्यान गएको जानकारी दिए । उनले उद्धार कार्य प्रभावकारी हुन नसकेको भन्दै असन्तुष्टि व्यक्त गरे । “यो महाविपत्तिमा दोषारोपणभन्दा पनि सबैले जिम्मेवारीपूर्वक काम गर्नुपर्छ,” उनले भने, “तर सरकारको तत्परता पर्याप्त देखिएको छैन ।” उनका अनुसार करिब ७५ हजार परिवार विस्थापित भएका छन् र अर्बौं रुपैयाँ बराबरको भौतिक क्षति भएको छ। उनले संसद्बाट उच्चस्तरीय छानबिन तथा समन्वय समिति गठन गर्नुपर्ने माग समेत राखे ।
कांग्रेसका सहमहामन्त्री बहादुर लामाले उद्धार कार्यमा ढिलाइ भएको भन्दै चिन्ता व्यक्त गरे । “सामान्य अवस्थामा २७ मिनेटमा पुगिने स्थानमा ११ घण्टा लाग्ने अवस्था छ,” उनले भने, “यही ढिलाइका कारण धेरै नागरिकले ज्यान गुमाउनुपरेको छ ।” उनले सरकारको उदासीनताका कारण बाढीपीडितहरूको अवस्था झन् कष्टकर बनेको आरोप लगाए ।
नेता डा. गोविन्द पोखरेलले बैठकमा बाढी प्रभावित क्षेत्रको निरीक्षणपछिको अवस्थाबारे जानकारी गराएका थिए । उनले प्रभावितहरु राज्यसँग नजोडिएको बताउँदै राज्यले त्यहाँको कोलाहाल नै नसुनेको बताए ।
उनले कानुनी कुरा सरकारले नमिलाउने हो भने ठुलो मानवीय त्रुटि हुने सभावना रहेको उल्लेख गरे ।
ललितपुर : नेपाली कांग्रेसकी सहमहामन्त्री डा. डिला संग्रौलाले पार्टीको १५औँ महाधिवेशन तोकिएकै समयमा सम्पन्न गर्नुपर्ने बताएकी छिन् । सोमबार बसेको...
काठमाडौं : नेपाल प्रिमियर लिग (एनपिएल) को प्रसारण अधिकार सम्बन्धी बोलपत्र प्रक्रियाबाट ओटिटी र टेलिभिजन दुवै माध्यम टुंगो लागेको छ...
काठमाडौं : स्वास्थ्य बीमा बोर्डले बाढी प्रभावित जिल्लाहरुमा बीमा सेवामा सहजीकरण गर्ने भएको छ । बोर्डले आज विज्ञप्ती जारी गर्दै यही...
